Stonly

إزاي تقيس مطبخك بنفسك

محتاج متر وورقة وقلم، و10 دقايق. المقاس النهائي بياخده المعرض في المعاينة، فمتقلقش لو مش دقيق 100%.

الحيطةأ: الحيطة الأساسيةب: الحيطة الجانبيةالعمق
  1. 1

    ارسم شكل المطبخ من فوق

    ارسم خط لكل حيطة عليها رخامة: مستقيم، حرف L أو حرف U. علّم مكان الحوض والبوتاجاز والتلاجة.

  2. 2

    قيس طول كل حيطة

    قيس من أول الدولاب لآخره على الحيطة، بالسنتيمتر. في الزاوية قيس كل حيطة لحد الركن.

  3. 3

    قيس العمق

    من الحيطة لحد حافة الدولاب من قدام، وزوّد 2 سم علشان الرخامة بتطلع لقدام شوية. العادي 60 سم.

  4. 4

    علّم الفتحات

    عدد الأحواض، ونوع البوتاجاز (بلت إن ولا عادي)، وأي فتحة حنفية زيادة.

  5. 5

    قرر الظهر

    شريط صغير 10 سم ورا الرخامة، ولا ظهر كامل لحد الدواليب العلوية (حوالي 60 سم)، ولا من غير.

  6. 6

    صوّر الرسمة وابعتها

    صوّر الورقة بالموبايل في نور كويس. أو اكتب الأطوال في حاسبة السعر على طول.

أشهر الأخطاء

  • تقيس الزاوية مرتين: في مطبخ L الضلع التاني بيبدأ بعد عمق الضلع الأول. اكتب طول الحيطة كامل وإحنا بنحسبها.
  • تنسى التلاجة أو البوتاجاز العادي: الأماكن دي مفيهاش رخامة.
  • تقيس بالمتر القماش: بيمط. استخدم متر حديد.
  • تقرّب كتير: اكتب الرقم زي ما هو (مثلاً 243 سم مش 250).

مهما كانت مقاساتك، المعرض بييجي يقيس بنفسه قبل القص، ولو السعر اتغير لازم توافق الأول.